patay-sindi ang ilaw
salitan ang liwanag at dilim
naglalarong mga anino
gabi'y kumakalat na
nilamon na ang ating mga mukha
'di na maaninag.
nawawala.
nawawalay.
pumipintig. tumitibok.
orasang tahimik na saksi
sa paglipas ng mga sandali.
ginagapang ng pag-aalinlangan
hinihila ng walang-katiyakan
iwan na
ang walang kwentang paghihintay
itigil ang tula
itapon ang mga gamit na letra
ito'ng mga bulungang naglalagi
sa dulo ng kamulatan
mga sagot ay kinakapa
litratong kinakapitan
masasalimoot na saloobin
'di maalis-alis sa'kin
lumalalim ang kulimlim
subalit ang tulang ito'y dapat nang tuldukan
sa likod ng kawalan, sa dulo
ng 'di mtapos-tapos na kalaunan
ay sisilip ang haring araw
sa bughaw na kalangitan
at sisibol din ang panibagong bukas.
Labels: inside the self |
